اجي تشوف

اجي تشوف مدونة مغربية مهتمة بنشر اهم المواضيع الاجتماعية والاقتصادية والتقافية.

آخر المواضيع

الاثنين، 22 فبراير 2021

2/22/2021 01:17:00 م

كيفاش نبدا نتعلم البرمجة ديال مواقع الانترنيت



غنهضر على واحد الفكرة لي الاغلبية كيجهلها وهي كيفاش نبدا نتعلم البرمجة ديال مواقع الانترنيت ..

غنبدا بواحد الحاجة لي خاصك تعرفها وهي الامور لي غنحتاج باش نبدا نبرمج الموقع .. بالنسبة للأمور لي غتحتاج تعرفهم وتتعلمهم باش تبدا تبرمج موقع ديالك او اي موقع هي اللغة الاساسية ديال الويب ولي هي لغة html ولي كتعتبر لغة مكونة لاي صفحة ويب .. ثانيا باش نصمم صفحات هذا الموقع ديالي خاصني نتعلم واحد اللغة كتسمى css لي هي مسؤولة على على اعطاء مجموعة من المحسنات للصفحات ديال الموقع..

 

واخا دابا عرفنا بلي هدو زوج ديال الامور مهمة واساسية .. لكن انا بغيت نبرمج موقع لي نبقى نشر فيه اخبار او صور او اي شيء ديالي او ديال الزبون يعني واش خاصني فينما بغيت نشر شي حاجة نبقى نجبد الموقع ونعاود نبرمجوا باش نضيف فيه هاد المستجد لي بغيت نزيد ..

 

هنا كتدخل واحد اللغات اخرى لي هي المسؤولة على البرمجة ديال المواقع الديناميكية اي نقدر نغير فالمحتوى ديال الموقع ديالي من غير ما نبدل البرمجة كل دقيقة او فأي وقت بغيت ومن ضمن هذه اللغات غنتحدث على لغة لي هي مفتوحة المصدر ومتاحة للجميع ومشهود ليها على المستوى العالمي لي هي لغة php ولي كتعرف واحد التطور يومي من خلال مجموعة من المطورين عبر العالم المهم حتال هنا ربما بدات كتوضاح الصورة لكن باش نبقى نبرمج الموقع ديالي ونبقى نحفظ فيه الاخبار مثلا او نمسح او نعدل اي محتوى فيه خاصني تكون عندي قاعدة بيانات خاصة بموقعي وحتى هي كيخصني نبرمجها من خلال واحد اللغة كتسمى لغة SQL ولي كتمكنك من انك تنشأ قاعدة بيانات وتربطها بموقعك وتحفظ فيها جميع المحتويات ديال موقعك.

الأحد، 21 فبراير 2021

2/21/2021 12:26:00 م

كيفاش نصاوب cv مقاد مزيان




بزاف ديال الناس كيلقاو صعوبة كبيرة فأنهم إقادو CV📄 (السيرة الذاتية)، ياإيما حيت ماعارفينش أش اكتبو فيه 🤔 أو أنهم أصلا معارفينش القيمة الحقيقية ديال CV 💰تايقادو ف 5 دقائق عند مول السيبير ويطبعو ويديه افرقو، إلى كنتي واحد من هاذ الناس عطيني واحد الدقيقة ⏰ من وقتك أوقرا هادشي اللي غنقول ليك اقدر انفعك.

 🔶أولا خصك تعرف أشناهي السيرة الذاتية؟ المفهوم ديالها والأبعاد ديال هاد المفهوم؟؟؟ 
السيرة الذاتية أسيدي أو لالة هي الساروت 🔑 ديالك باش توصل للوظيفة اللي بغيتي أو توصل لمقابلة العمل 👥اللي الى دوزتيها مزيان غادي تحصل على الوظيفة اللي شحال هذا أونت كتسناها😃. السيرة الذاتية هي بمثابة النداء 🗣 لهداك السيد اللي غادي إخدمك، من خلال هديك الوريقة خصك تفرض على صاحب العمل اعيط ليك ☎️ تجي تخدم أو ماشي اشدها ولوحها 🗑 ولا اقول ليك سير تانعيطو ليك من بعد راه عمرك ماباقي تشوف وجهو.
 السيرة الذاتية هي رسالة 📩 قوية لصحاب الشركات والأداة الأساسية باش دير اشهار لراسك اوتروج ليه 🚨 كاتجذب بيها الإنتباه ديال صاحب العمل "الباترون". 

🔷غادي تقولو ليا دب اييه اسيدي هادشي عرفناه قول لينا دب كيفاش نقادو شي  CV مزيان واللي اقدر احقق لينا هادشي اللي قلتي لينا دب؟؟؟؟ 🔴أول معيار خصك تحتارمو مني تكون كتقاد CV هو "الصراحة والموضوعية"😇 أكتب فقط داكشي اللي عندك واللي متوفر فيك ماتزيد ماتنقص، ماشي تبدا كتكذب فيه راه دوزت سطاج فهاد البلاصة أو هاد البلاصة... أونت عمرك دوزتيهم😈، هكا كتعرض راسك لواحد الإحراج كبييييير بزاف حيث عاجلا أو آجلا غادي اسولك داك السيد(ة) فالأتخوتيان على آش درتي أو اشنو تعلمتي فهاد السطاج❗️ديك الساع غادي إبان فيك نتا العيب، أو غاتسمع تاني الجملة الشهيرة "سير تنعيطو ليك" وخصك تعرف واحد الحاجة مهمة بزاف وهي أن كل سطاج دوزتيه وحطيتيه ف CV ديالك خصك تكون قادر تجاوب على السؤال التالي: "أشنو تعلمتي من هاذ السطاج؟". 

🔴ثاني حاجة خص CV ديالك إكون مفصل و مرتب مزيان، اكتب معلوماتك الشخصية👤 هما اللولين (الإسم/النسب/العمر/الهاتف/البريد الإبكتروني...) ❌البريد الإلكتروني 📧 قاد شي واحد إكون بروفيسيونيل فيه Nom.prénom@gmail.com لاتمشي تحط ليا شيواحد فيه مثلا Sophixa1998bb@gmail.com ⛔️ راه هذاك السيد اللي غيشد CV ديالك غيبان ليه بلانك من الأول. 

ثم اكتب الديبلومات اللي عندك مرتبين حسب تواريخ الإستلام ديالهوم ويلا عندك شي مونسيون زيدها حتى هي، من بعد كتجي الخانة اللي مهمة بزاف ديال المهارات والخبرات اللي عندك 🛠⚙️⚒ الى كنتي دوزتي شي سطاج من قبل كتب فين دوزتيه/المهمة اللي كنتي كتقوم بيها/ والمهارات الجديدة اللي كتاسبتي... من بعد هادشي كتكتب المميزات ديالك نتا هادي تقدر تشكل الفارق بينك أوبين شخص آخر (تحب العمل الجماعي 👫👫/كتصنت مزيان👂🏻/ عندك روح المبادرة/ هادئ فالتعامل ديالك😌/ طموح...)، من بعد كاتجي الخانة الأخيرة كتكتب فيها اللغات اللي كتكلم بيها  الى كتعرف لشي لوجسيال اللي اقدر اعطيك الإضافة زيدو تاهو، والهوايات ديالك مي ماشي ضروريين، أوماشي مشكل إلى كان ف CV ديالك أكثر من ورقة. 

⬅️⬅️ واحد الحاجة مهمة غادي تقولو ليا مهضرتيش عليها واللي هي؟؟؟ "الصورة الشخصية" 🙎🏻‍♂️🙍🏼لا أنا تعمدت نخليها تاللخر باش نبهك لواحد القضية⛔️ مهمة، كاين واحد الإختلاف كبير بين ليكوتش بحيث كاين اللي مع أو كاين اللي ضد أنك ديرها؛ ♦️الناس اللي ضد ديرها فCV ديالك، علاش قالو ليك لا؟؟ حيث واحد المجموعة من علماء النفس والإجتماع لقاو بلي أي إنسان عندو واحد النزعة فطرية اللي كاتخليه احكم على إنسان أخر من النظرة الأولى 👀 يعني انطلاقا من الملامح ديالو ممكن ارتاح ليه ممكن لا، اوغادي تلاحظ هاد القادية فيك نتا نيت اللي كاتقرا دب هادشي أنك فايت ليك حكمتي على شي حد من الهيئة ديالو بأنه خايب مي مني كتعرف عليه كتندم على داكشي😞 اللي قلتي عليه فاللول ، دونك باش تفادا هادشي أفضل أنك ماديرهاش. 

♦️الناس اللي مع فكرة أنك دير الصورة ديالك ف CV، كيقولو ليك ديرها ولكن بشرط، أنها تكون صورة بروفيسيونيل 🙎🏻‍♂️يعني تكون لابس فيها مزيان شي قويميجة ولا كوستيم، تكون واضحة واحتارم مكان وضعها والقياس المسموح به.

 شحال من الناس كايسولوني كيفاش ندير نصايب CV واليوم انشاء الله انعطيكم مواقع لغادي تحملو منها اشكال وانواع تاع CV 


 المهم كاين نوع اخر جديد من les CV كايتسمى  CV modern ou CV professionnel  كايكون منظم مزيان هادو بعض المواقع لي تقدر تصايب فيهم هاذ نوع ديال CV بسهولة و بالمجان




الخميس، 18 فبراير 2021

2/18/2021 05:36:00 م

فوقاش العطلة المدرسية 2020-2021

 فوقاش العطلة المدرسية 2020-2021


لائحة ديال العطل المدرسية فالمغرب سنة 2020-2021: 
خرجات وزارة التربية الوطنية والتكوين المهني والتعليم العالي والبحث العلمي المقرر الوزاري لي خاص بتنظيم السنة الدراسية 2020-2021 الي فيه برنامج العطل المدرسية.

والجديد هد العام، اعتماد أربع فترات بنينة، عوض جوج كما كان المعمول به في السنوات السابقة، وفكل كل فترة ثمانية أيام راحة، موزعة على الشهور التالية : أكتوبر، دجنبر، مارس، ماي.

او علا هد الوتيرة، احتفظت الوزارة بعطلة منتصف السنة الدراسية، ودارتها في نهاية شهر يناير، وجمعات بعض المناسبات الوطنية والدينية، مع الفترات البينية.


لائحة العطل المدرسية بالمغرب 2020-2021 بالتفاصيل :

– عطلة الفترة البينية الاولى و عيد المولد النبوي: من الاحد 25 أكتوبر الى الاحد 01 نونبر 2020 (8 ايام).
– عطلة ذكرى المسيرة الخضراء: الجمعة 6 نونبر 2020 (يوم واحد).
– عطلة عيد الاستقلال: الاربعاء 18 نونبر 2020 (يوم واحد).
– عطلة الفترة البينية الثانية: من يوم الاحد 6 دجنبر الى يوم الاحد 13 دجنبر 2020 (8 ايام)
– عطلة رأس السنة الجديدة: فاتح يناير 2021 (يوم واحد).
– عطلة تقديم وثيقة الاستقلال: يوم الاثنين 11 يناير 2021 (يوم واحد).
– عطلة منتصف السنة الدراسية: من يوم الاحد 24 يناير الى الاحد 31 يناير 2021 (8 ايام).
– عطلة الفترة البينية الثالثة: من يوم الاحد 14 مارس الى يوم الاحد 21 مارس 2021 (8 ايام).
– عطلة عيد الشغل: يوم السبت فاتح ماي 2021 (يوم واحد).
– عطلة عيد الفطر والعطلة البينية الرابعة: من يوم الاحد 9 ماي الى يوم الاحد 16 ماي 2021 (8 ايام).

النقط المهمة او الجديدة فالعطل 2020-2021

أصدرت وزارة التربية الوطنية والتكوين المهني والتعليم العالي والبحث العلمي قطاع التربية الوطنية المقرر الوزاري الخاص بتنظيم السنة الدراسية 2021 – 2020 والذي يهدف إلى تحديد مختلف المحطات والعمليات والأنشطة المبرمجة برسم بالسنة الدراسية المقبلة مع مواعد إنجازها.

واستحضارا للظرفية الخاصة التي يأتي فيها هذا المقرر الناجمة عن جائحة فيروس كورونا فإن مقتضياته تروم تنظيم السنة الدراسية المقبلة في وضعيتها الطبيعية مع إدراج بعض المستجدات المرتبطة بآلية التعليم عن بعد التي تم اعتمادها إبان الموسم الدراسي 2020 – 2019 في إطار التدابير الاحترازية والوقائية المتخذة من أجل التصدي لانتشار وباء كورونا على أساس أن يتم تعديل وتكييف عملية تفعيل مقتضيات هذا المقرر. عند الاقتضاء.

ووفق ما تتطلبه الضرورة، وذلك في ضوء معطيات تطور الحالة الوبائية بالمملكة؛ بما يكفل تأمين الاستمرارية البيداغوجية لكافة المتمدرسات والمتمدرسين بجميع المستويات الدراسية، في ظروف تضمن سلامة المجتمع المدرسي؛ ووفق شروط ومعايير تستجيب لاجراءات الوقاية الصحية المقررة من طرف السلطات المختصة.

اش غندير فعطلة الصيف

من الجيد تعرف كيفاش دوز العطلة الصيفية الا سالات الدراسة، وساليتي جميع امتحانات المواد الدراسية بنجاح. كاين بزاف ميدار فالعطة ،او كنقتارحو بعض الأفكار المفيدة متل :

السفر وتغير نمط الحياة المتبع طوال السنة الدراسية، وذلك من خلال الذهاب الى البحر والاستمتاع، أو المشاركة في مخيم صيفي.
التعلم بطرق ممتعة، وذلك من خلال تطوير الجانب المتعلق بالهوايات بشتى أنواعها.
تعلم برامج الاوفيس المتمثلة في وورد وأكسيل وبوربينت وأكسيس أو برامج ودورات أخرى ستحتاجها مستقبلا في دراستك وعملك.
تعلم أساليب ومهارات البيع المختلفة، وطرق جذب العملاء وارضائهم بشكل صحيح.
تعلم مجالات مفيدة وممتعة متنوعة، كالتصميم وبناء المواقع، تعلم أساليب وطرق الاقناع، تعلم الماركوتينغ.
التركيز على القيام بأنشطة رياضية تساعد على تحسين اللياقة البدنية، بلعب كرة القدم أو التسجيل في أحد النوادي الرياضية.

الأربعاء، 17 فبراير 2021

2/17/2021 01:45:00 م

كيفاش نصاوب جيميل Gmail ؟

 


 كيفاش نصاوب جيميل Gmail


 السلام عليكم ورحمة الله وبركاته 

اليوم انشاء الله انشرحو كيفاش تصوبو جيميل مرحلة بمرحلة نبدوا 

1 - تنمشيو لرابط تاع جيميل ونضغطو على انشاء حساب كما تتشوفو في الصورة لتحت :



2 - في المرحلة الثانية تندخلو كاع المعلومات لطالبين منا الاسم والنسب واسم المستخدم والمودباس كما تتشوفو في الصورة لتحت :



3 - في المرحلة التالث تندخلو المعلومات لطالبين منا يكفي رقم الهاتف و تاريخ الازدياد ونوع الجنس كما تتشوفو في الصورة لتحت :



4 - في المرحلة الرابعة والاخيرة تنوافقو على شروط كوكل ومن الاحسن تقرا دوك الشروط عاد توافق عليهم كما تتشوفو في الصورة لتحت :



وفى الاخير مبروك عليك الجيميل جديد 




الثلاثاء، 16 فبراير 2021

2/16/2021 02:03:00 م

كيفاش نتسجل في Anapec ؟

 


شنو هيا Anapec ؟

Anapec هي مؤسسة عمومية تعتبر شركة معنوية عندها الاستقلال المالي  عندها وكالات فالمغرب كولو وكتقدم بعض الخدمات بحال تكوين الشباب من اجل الاندماج فسوق الشغل.

كيفاش نتسجل في Anapec ؟

كندخلو لسيت ديالهوم Anapec.org تم كندخلو ل : Crée votre espace candidat


 
كنعمرو جميع المعلومات الاجبارية لحداهم واحد النجمة بحال هدي : *



و نضغط على Validé. اخيرا كنمشيو لاقرب وكالة كنديو معانا البطاقة الوطنية والشواهد الاصلية لدخلنا فالموقيع باش اتحققو منها او هد الخطوة رها مهمة باش امكن ليكوم تدفعو لعروض العمل.

شنا هي كونطرا Anapec (Contrat d'insertion) ؟

Contrat Anapec ou d'insertion (CI) 

الأهداف:

* السماح للباحثين عن عمل بتطوير مهاراتهم العملية في داخل الشركة وتعزيز فرصهم في التكامل الدائم.

* تمكين الشركات من تقوية رأس مالها البشري والاحتفاظ به طوال الوقت مع التحكم في التكاليف.

الاشخاص المستهدفين :

*خريجي التعليم العالي.

*التكوين المهني.

* باكالوريا او اقل.

طبيعة العقد:

* عقد تدريب لمدة 24 شهرًا كحد أقصى.

*راتب شهري: 1600 إلى 6000 درهم.

مزايا :

* الإعفاء خلال فترة التدريب وفي حدود تعويض 6000 درهم شهريا عن الدفع:

- مساهمات صاحب العمل والموظف المستحقة لـ CNSS / TFP ؛

- ضريبة الدخل (IR) للمرشحين المسجلين لدى ANAPEC لمدة 6 أشهر أو أكثر ؛

* دعم الدولة ، خلال فترة التدريب ، لمساهمات صاحب العمل والموظف في

عنوان التأمين الصحي الإجباري الأساسي (AMO) ؛

* دعم مباشر من الدولة ، لمدة عام ، لحصة صاحب العمل من التغطية

الضمان الاجتماعي و TFP بسبب CNSS في حالة توظيف المتدرب على عقد عمل ،

أثناء أو في نهاية فترة التدريب (PCS).

قسم خدمات صاحب العمل:

شروط المنفعة:

* اختيار الشركة للمرشح كجزء من عملية التوظيف ؛

* تسجيل المرشح لدى CNSS وفقًا للتشريعات ؛

* تعليمات صاحب العمل للعقد عبر الإنترنت على بوابة Anapec  ؛

* التقديم من قبل صاحب العمل لدى وكالة ANAPEC للمصادقة والتأشيرة ،

ملف يتكون من الوثائق التالية:

-3 نسخ من عقد الدمج محررة من البوابة وموقعة ومختومة من قبل صاحب العمل والمتدرب ؛

- نسخة مصدقة من CIN الخاص بالمتدرب ؛

- نسخة مصدقة من دبلوم المتدرب.

- إقرار بشرف المتدرب الذي يشهد بعدم استفادته عقد اندماج (فقط في حالة توقيع العقد الأول) ؛

* بطاقة تعريف الشركة (فقط في حالة  شركة جديدة) ؛

* رقم تسجيل CNSS للمتدرب في حالة عدم إبلاغه بالعقد.

جيد ان تعلم :

يجب على أصحاب العمل:

* إعلان المتدربين المستفيدين من آلية العقود إلى CNSS الاندماج بنفس الطريقة مثل الموظفين الآخرين دون دفع المساهمات ذات الصلة؛

* قم بتشغيل 60٪ على الأقل من الأشخاص الذين أكملوا فترة التدريب للمتابعة الاستفادة من نظام عقود التكامل.

الاثنين، 15 فبراير 2021

2/15/2021 02:01:00 ص

كيفاش نشري من Aliexpress والمواقع الاجنبية



  الموضوع ديالنا هو كيفية الشراء من موقع Ali-express  والشراء عبر الإنترنت عموما.


اولا الدفع كيكون مسبق اي كتخلص و كتسنا السلعة توصلك. و باش تدير هاد العملية خاصك بطاقة شراء الكترونية عالمية Mastercard او Visa.


 منين غنجيب هذ البطاقة ؟


خاص يكون عندك 18 لعام على الاقل باش تفتح حساب بنكي وتحصل علا بطاقة بنكية عالمية. كتمشي عند اي بنكة كتقوليهوم فتحو ليا حساب مع بطاقة بنكية عالمية راه كول بانكة عندها ديك البطاقة او ها هما سميات ديالهوم:


My E-C@rd – SGMB (Société Générale)


BMCE E-Pay


E-Shopping – CIH


I-C@rd – Banque Populaire Maroc (Bank Chaabi)


Pay Web – Attijariwafa Bank


كيفاش نعرف المواقع منين نشري؟


كاينين بزاف د المواقع بحال Aliexpress وBanggood وAmazon وEbay لمهم لمواقع لمشهورين بزاف او متشريوش من المواقع غير المشهورة ابدا.


كيفاش نقدر نشري من الموقع لي بغيت؟


كتدخل الموقع وكتحدد المنتوج او المنتوجات لي بغيتي او كتجمعهوم ف سلة كتمشي تخلص تدخل سمية او العنوان باش اوصلك حتا لدار او لبوسطة لي قريبة ليك الا كنتي ساكن فالبادية او معلومات البطاقة او تضغط علا ok كيوسلك مساج ف تلفون بلي راك شريتي .



واش أي حاجة شريتها غاتوصلني؟


كاينة قائمة الممنوعات فالمغرب اللي الا شريتيها غاتحبس فالديوانة وغاتقدر تجرك للمساءلة القانونية، بحال الأسلحة بجميع أنواعها،  كما أنه من بين الممنوعات كانلقاو طائرة درون، والطابعة ثلاثية الأبعاد


شنو هوا الفرق بين البريد العادي المسجل، والشحن السريع؟


البريد العادي بحال مثلا البريد الصيني، البريد الهولندي، البريد السنغافوري، البريد البلجيكي.البريد الصيني. الخ. هادو غالبا كاتستغرق مدة التوصيل ديالهم بين 20 و  30 حتال 60 يوم أما شركات الشحن السريع كاينة DHL  وARAMEX وFEDX وغيرهم من شركات الشحن السريع الاخرى لي مدة التوصيل ديالهم كاتستغرق أسبوع أو2 تقريبا أوأقل، لكن كاتكون تكلفة الشحن مرتفعة.


كيفاش نعرف الكولية ديالي فين وصلات؟


ملي كاتشري من أي موقع معين، كيعطيوك واحد الكود كيتسما Tracking Number كتدخل لسيت او تطبيق ديال  17Track وكاتدخل فيه داك الطراك وكل مرة كاتعرف فين وصلات الطلبية ديالك. حاول دائما فوسيلة الشحن تختار البريد المسجل.


شنو المبلغ لي ماعنديش الحق نفوتو فالعام ؟


 فالمغرب بخصوص الشراء من المواقع العالمية المبلغ المحدد هو مليون ونص سنتيم - 15.000 درهم ,الا بغيتي تشري كتر من داك القدر تقدر تفتح حسابات بنكية لخوتك ولا والديك فسمياتهم على أساس باش تستغلها نتا، وتقدر كذلك تتسجل فالبايبال وبقا تشري الصولد لي غاتشري بيه

السبت، 16 يناير 2021

1/16/2021 01:53:00 م

كيفاش نخدم زيرو فيسبوك 2021


 
في عام 2010 ، خرجات فيسبوك  "زيرو فيسبوك" ، وهو واحد الاصدار نظيف من ، تيخدم للهواتف المحمولة ، تافقو عليه مع عدد من المشغلين بحيث يمكن تخدمو فابور بلا كونيكسيون

شناهوا الدور ديالو

زيرو فاسبوك تصاوب باش اكون ساهل وسريع داكشي علاش متتشوفش الصور. ما عليك سوى النقر فوق واحد الصورة وغالبا غدي تبان  يمكن ليك تخدم موقع زيرو فاسبوك  بواسطة واحد من هاد العناوين التالية
البديل ديال زيرو فيسبوك
 

من نحن

اجي تشوف مدونة مغربية مهتمة بنشر اهم المواضيع الاجتماعية والاقتصادية والتقافية.